Skip to content

Wha’ll Dreg a Buckie

Wha’ll Dreg a Buckie published on

Them buckie boats are best lads the buckie boats are braw
They dreg their nets twice a day the buckies for tae draw
Tae keep oor wifies happy in their wee hoose in the raw
And keep the ship in whiskey lads, the buckies we will draw

Wha’ll dreg a buckie o, Wha’ll dreg a clam
Wha’s gone wi’ Willie o, Wha’s gone wi’ Tam
Wha will be luckie o, Wha will be wrang
Wha’ll dreg a buckie on the Prestonpans sands

And Willie has the Jonnie noo and Tam the Bluebell star
And they’re the boys tae be away, the buckies for tae draw
They kent whar the beds are biggest, and there’s money gone oot far
And we come hame contented lads, the buckies we can draw

And we maun come hame empty noo, we’re dregin oot the last
The Dutch and German boats they gied the beds nae rest
With their bigger hold and bigger nets they took the place too fast
And we maun come hame empty noo, we’re dregin oot the last

Primary Sidebar